Экономика

Нұрсұлтан Назарбаев теңге бағамына жасанды қолдау білдіруден бас тартудың не себепті дұрыс шешім болғанын түсіндірді.

Теңге бағамы динамикасының төмендеуі әлемдік экономикалық жағдаятпен байланысты объективті үдеріс болды.

Қаржы жүйесі күйреп, өндіріс орындары жабылар еді, себебі экспорттаушылар бұдан ешқандай пайда көрген жоқ, олар жалақы төлеп, өндірісті жүргізе алмас еді. Шағын өндірістер шығынға батып, жұмыссыздық артып, инфляцияның көтерілуі қаупі болды. Егер бағамды ұстап тұра берсек, осының бәрі орын алуы мүмкін еді.
Нұрсұлтан Назарбаев ҚР Президенті

ҚР Ұлттық банкі валюта айырбастау ұйымдарының ережелеріне қатысты өзгерістер мен толықтыруларды бекітті

- Айырбас орындары кассаны толықтыру үшін уәкілетті банкпен келісім-шарт бекітуге міндетті болды; - 2016 жылдың 31 желтоқсанына дейін бағамды тағайындау туралы бұйрықты жариялау уақытын Қазақстандық қор биржасының жұмыс уақытымен байланыстыру туралы норманың күші тоқтатылды; - Жүргізілген айырбас операциялары бойынша жеке тұлғаның міндетті идентификациялық мәліметтерін талап ететін шетелдік валютаны сатып алу/сату шегі 2 млн теңгеден 1 млн теңгеге дейін төмендетілді.

Жалғасын тауып отырған әлемдік дағдарыс жаңа ережелер енгізіп, жаңа жағдай туғызып отыр. Бұрынғы экономикалық модельдер өз тиімділігін жоғалтты. Экономикалық теория құндылықтарын қайта қарастыратын кез келді. Әр мемлекет экономикалық дамудың жаңа моделін таңдауда өзінше жол қарастыруда.
Фархад Қуанғанов «Нұр Отан» партиясының хатшысы

ҚР Ұлттық банкі нарықты қысқамерзімді өтімділікпен толықтыру бойынша тапсырманы орындады.

2016 жылдың ақпан айының басынан бастап нарықта бюджет шығындарымен және шетелдік валюта ұсыныстарының өсуімен байланысты теңге өтімділігінің құрылымдық тұрғыда шектен тыс артық болғаны байқалған болатын. Осыған байланысты Ұлттық банк өтімділікті нарықтан алу бойынша артықшылықты операциялар жүргізді.

Басты назар аударатын дүние – қазақстандық бизнестің және Қазақстанға инвестиция салғысы келетін бизнестің қаншалықты өзін сенімді сезінетіндігі. Келесі жылға қатысты алғанда біз ЖІӨ өсімі 2,4% болады деп санаймыз. Бұл айтарлықтай жоғары көрсеткіш. Сондай-ақ біз инфляцияның республикада өте жоғары екенін білеміз және ол 7,5%-ға төмендейді деп болжап отырмыз. Біздің бағалау бойынша, осы жылы инфляция 14,8%-ды құрайды.
Агрис Преиманис ЕҚДБ директорының орынбасары, бас аймақтық экономисі

Қазақстанның халықаралық қоры

$92,8 млрд қаржыны құрады

«Наурыз айында Ұлттық банктің жалпы алтын-валюта қоры ақпан айындағы $27,8 миллиардан $28,5 миллиардқа дейін өсті. Наурызда Ұлттық қор активтері 1,2%-ға артып, $64,3 миллиардқа жетті. 2016 жылдың наурыз айының соңында алдын-ала алынған мәліметтер бойынша елдің жалпы халықаралық қоры $92,8 миллиардты құрады», - деп мәлімдеді Д. Ақышев.
Данияр Ақышев ҚР Ұлттық банкінің басшысы

IX Астана экономикалық форумы

4500-ден астам қатысушы, оның 1000-ы шетелдік. 90 ел өкілдері. 200 спикер. 16 ел және 140 басылымнан келген 600 журналист

Бұл бір тамаша кездесу болды. Талқылауға ұсынылған жаһандық идеялар бүкіл әлемнен жиналды. Осы сессияға қатысқан, оны теледидардан көрген немесе радиодан тыңдаған қатысушының әрқайсысы шын мәнінде сол адам үшін маңызды, соның көз алдындағы мәселені естіді. Президенттеріңіз өз елі туралы дәл жеткізді. Оның өткен 25 жылы туралы ғана емес, болашақта Қазақстанның дамушы елден дамыған мемлекетке қалай айналатынын нақты көрсете алды. Мен барлық сессия қатысушысы жақын болашақтың анық перспективасын көре алды деп ойлаймын.
Хэмиш МакРей The Independent бас экономикалық шолушысы

XX Петербург халықаралық форумы

"Бюрократиялық Еуропада да, Америкада да, Азияда да күдік тудыратын интеграцияға қарсы күйді күшейтуде. Ең жас мемлекетаралық бірлестік ретінде біздің Еуразиялық экономикалық одақ осы қатерді ескеруі қажет. Еуразиялық экономикалық одақ тиімді және тұрақты Еуропалық одақтың болуына мүдделі. Дәл осылайша, бірлескен Еуропаға да біздің ұйыммен сындарлы байланысқан орнатқан тиімді." ҚР Президенті Нұрсұлтан Назарбаев

Бюрократиялық Еуропада да, Америкада да, Азияда да күдік тудыратын интеграцияға қарсы күйді күшейтуде. Ең жас мемлекетаралық бірлестік ретінде біздің Еуразиялық экономикалық одақ осы қатерді ескеруі қажет. Еуразиялық экономикалық одақ тиімді және тұрақты Еуропалық одақтың болуына мүдделі. Дәл осылайша, бірлескен Еуропаға да біздің ұйыммен сындарлы байланысқан орнатқан тиімді.
Нұрсұлтан Назарбаев ҚР Президенті

Алғашқы Қазақстан-Корей бизнес-форумы Алматыда өтті

Бизнес-форумның негізгі мақсаты қазақстандық жағдайда пайдалану мүмкіндігін ескере отырып Корея экономикасының дамуына, бизнесіндегі инновацияларына және менеджментінің стильдеріне шолу ұсыну болды. Форум екі елдің бизнестегі көшбасшылары мен сарапшыларына пікір алмасып, кеңейтілген диалог орнатуға мүмкіндік берді. Сонымен қатар форум аясында «Экспо-2017-ге» шақырту ретінде видеожазбаның тұсаукесері өтті.

Қазақстанда ұлттық азшылық деген жоқ. Корея компаниялары ҚР аумағында 25 жылдан көп уақыт бойы жұмыс істеп келеді. Осы форум алғашқы, біз үшін маңызға ие «ЭКСПО-2017» шарасының қарсаңында ұйымдастырылып отыр және бұл шара Қазақстан мен Корея арасындағы қарым-қатынас пен байланыстың нығаюында маңызды рөл атқаратын болады. Ол кәрістердің өздері туып-өскен елге қалай қаржы салып жатқанының көрсеткіші бола алады деп ойлаймын. Бұл алаң ең жаңа технологиялардың бірлестігі болуы керек. Оның жоғары деңгейде өтуіне әр қатысушы ат салысуы қажет. Қазақстанға әлемнің ең ұлы елдерінен қонақтар келеді, бұл жаңа қызықты байланыстар орнатуға мүмкіндік береді. Бізді өзге де мәдени бірлестіктер қолдайды деп үміттенеміз
Юрий Цха «Caspian group» АҚ төрағасы

Қазақстанда теңгеге деген қызығушылық артты

Қазақстандағы салымдардың долларландырылу қарқыны төмендеп келеді. Жыл басынан бергі 7 ай ішінде ол 2016 жылдың қаңтар айындағы ең жоғарғы 70%-дан 2016 жылдың шілдесінде 58,8%-ға дейін төмендеді. Халықтың ұлттық валютадағы депозиттері бойынша мөлшерлемелер кезең-кезеңмен 9%-дан 14%-ға дейін көтеріліп, шетелдік валютадағы депозит мөлшерлемелері жылдық 4,5%-дан 2%-ға дейін төмендетілген болатын. Теңге депозиттері бойынша кепілдендіру сомасы 5 миллионнан 10 миллионға дейін өсті, ал еркін айырбас бағамына өткен соң ұлттық валютада ашылған депозиттер бойынша бағам айырмашылығын өтеу механизмі әзірленді.

Экономикалық өсімді, баға тұрақтылығын қамтамасыз ету, өңдеу салаларын дамыту, шетелдік валютаның көлеңкелі айналымының деңгейін төмендету, өндірілетін тауарлар, жұмыстар және қызметтер қатарындағы қазақстандық ұсыныстар қатарын арттыру маңызды.
Данияр Ақышев ҚР Ұлттық банкінің басшысы

G-20 саммиті

Қазақстан Жаһандық экономикалық реттегіш ұйымын құруды ұсынды. Нұрсұлтан Назарбаев жаһандық даму жүріп өтетін жол көп жағдайда барша әлем қауымдастығының бірлесіп іске көшуіне тәуелді екенін атап өтті.

Биылғы G20 саммиті үмітке толы өте күрделі кезеңде ұйымдастырылып отыр. Әлемдік экономика, сауда және капитал қозғалысы қарқыны төмендеуде. Бұл миллиондаған адамның әл-ауқатына да әсер етіп жатыр. Жаңа трансқұрлықтық сауда-инвестициялық бірлестіктердің қалыптасуы БСҰ рөлінің төмендеуіне және әлемдік экономиканың фрагменттелуіне әкеліп соғуы мүмкін. Аталған үдерістер әлемдік нарықтардағы ықпал ету салалары үшін күрестің бастапқы кезеңіне айналуы мүмкін. Жаһандық даму жүріп өтетін жол көп жағдайда бүкіл әлемдік қауымдастықтың бірлесіп әрекет көрсетуіне тәуелді.
Нұрсұлтан Назарбаев ҚР Президенті

Қазақстан мен Ресей арасындағы аймақаралық серіктестіктің XIII форумы

Бұл жылы форумға екі елдің мемлекеттік органдары, квазимемлекеттік секторы және іскери ортасының 1 300-ден астам өкілі қатысты. Ресейлік делегацияға 400-ден астам қатысушы кірді, олардың қатарында федералды ведомстволар басшылары, 12 аймақ басшысы, кәсіпкерлер, ғалымдар, сарапшылар болды.

Ресей Қазақстанмен екі ортадағы көпжоспарлы сауда және инвестициялық байланысқа баса назар аударып отыр. Біз бірлесіп өнеркәсіпте, энергетикада, ауыл шаруашылығында түрлі ауқымды жобаларды жүзеге асырып отырмыз, технологиялық қауымдасуды тереңдетіп, ортақ көлік инфрақұрылымын құрудамыз. Алайда әзірге бұл аса үлкен транзиттік әлеует толыққанды түрде қолданылып отырған жоқ. Оның барынша тиімді пайдалану үшін бірлесіп көлік инфрақұрылым құру, тасымал, логистикалық қызмет көрсету ережелерін бірыңғайлау қажет. Әрине, мұндай ауқымды іс айтарлықтай үлкен ресурстарды талап етеді, бірақ бұған салынған қаражаттың өз-өзін ақтайтыны өзсіз. Ірі көлік дәліздерінің құрылысы экономикалық өсімнің қарқын алуы үшін жағдай туғызып, аймақтардың дамуына жаңа мүмкіндіктер ашады, олардың инвестициялық тартымдылығының артып, аймақаралық қауымдасуды іске қосады, қосымша жұмыс орындарын ашады.
Владимир Путин Ресей президенті

Қашағаннан тауар мұнайының алғашқы партиясы алынды

Жыл соңына дейін аталған кен орнында 500 мың мен 1 млн тонна аралығында мұнай өндіру жоспарланып отыр.

Осы жылы Қазақстанда елге тек мұнай-газ секторын қарқынды дамытуды ғана емес, экономиканың әр саласында мультипликативті әсер беретін бірқатар маңызды шешімдер қабылданды. Осы жылы шілде айында «Теңізшевройл» болашақ кеңейтілудің іске қосатыны туралы мәлімдеді. Аталған жобаның құны 37 млрд доллар болады деп бағаланып отыр. Алғашқы мұнай 2022 жылы алынады деп жоспарлануда. Бұл жобаның жүзеге асуы жыл сайын 30-38 миллионға дейін мұнай өндіруге, яғни ағымдағы кезеңмен салыстырғанда аталған көрсеткішті 12 млн тоннаға арттыруға мүмкіндік береді.
Мағзұм Мырзағалиев ҚР энергетика министрінің орынбасары

Almaty Invest 2016 IV Халықаралық инвестициялық форумы

600 жергілікті және шетелдік қонақ Халықаралық қаржы институттарынан, шетелдік және қазақстандық инвесторлар қауымдастықтарынан, мемлекеттік органдардан, қазақстандық және шетелдік бизнес-сектордан келген 140 сарапшы.

2015 жылға қарай Қазақстан бай және айтарлықтай дамыған елдердің тобына кірді. Соңғы 15 жыл ішінде Қазақстанға капитал салу тиімділігі РФ немесе Үндістанға қарағанда жоғары, бұл елдің кемеліне келгендігін білдіреді. ЖІӨ-дегі жинақталған инвестициялар әлеуеті 1993 жылғы 5%-дан 2015 жылы 65%-ға дейін артты. Бірлескен еңбек өнімділігі бойынша Қазақстан мен Қытай арасындағы айырмашылық аса үлкен емес. Адам дамуы индексі бойынша Қазақстан Ресеймен теңесіп, Түркияны, Таяу және Қиыр Шығыс елдерін басып озды.
Виталий Мельянцев ММУ ААЕИ халықаралық экономикалық қарым-қатынас кафедрасының жетекшісі